فارس بلا جواد

امام المنزل قابع في هدوء والنيل والليل والسماء في صفاء جرو ضغيرا اتي يلعق تراب كعب الحذاء ما كان مني الا ضربه في جفاء  ما جاء منه الا بالنباح باء فهو ضعيف من الضعفاء لماذا لم يهاجمني ويتركني صريع الدماء صمت...وارتشفت بعض الماء وتدبرت الحادث وجدتني مثله من الضعفاء لم اقدر يوما الا علي النباح ناقم منتقد اصرخ ألما حتي الصباح انظر صامت الي البراح فوجدتني مثل الجرو الضغير علي بلدي اغير اردت العق عنها غبار القهر والعناء فضربت بالحذاء وصرت من السجناء واصبحت انظر اليها في عزاء فنحن نختلف مع الجراء في اشياء لقد ولدنا اصحاء عقلاء فنحن ليس بجراء ليس بجراء

كل الكلام اتكتب كل الكلام اتقال و الوجيعه صارت فظيعه والبلد عايشه في خديعه وكل كائن في البلد في عيشه وضيعه طب ليه السكات علي كل دي اهانات وليه نسينا اللي فات جوع ضياع بوار غيطان وابنك اللي في البحر مات واخوه اللي في المظاهره صرخ اضرب بدل مايغني بأسمك صرخ اهات ولسه السكات خلاص ماكله مات حتي الحمام اللي بني عشوشه فوق البيوت مات من علو العمارات وقطع الشجر من الشوارع و الطروقات والحب مات الحب اللي بين العاشقين مات لما ملقيوش بيت يلمهم من بين كل دي عمارات والزرع بيموت من العطش والفلاح مش لاقي الفتات لجل مايقوت عياله من الحزن قام مات يامصر عمالك نايمين في الشوارع وبيعملوا اعتصامات بعد ما اتباعت المصانع وبقيوا اصحاب معاشات بأبخس الجنيهات والكل مات والمدرس بيراقب في لجان الامتحانات مات حتي انا برضه مات لما يا بلدي صابره علي كل دي اهانات دا الكل مات وانت يافقري اللي يا صاحب الانجازات لكن .... لكن ...احذر فالغضب أت..أت فأنتظر

(1) لم يتحرك من مكانه من اكثر من 5 ايام مستمر في جلوسه في هذا الركن في الغرفه المظلمه التي لم تري الشمس او يدخل بها هواء جديد يجدد رائحه دخان السجائر ورائحه الحشيش المنتشره في ارجاء الغرفه محكمه الغلق ويستمر في جلوسه يرتشف كأس وراء الاخر وينفس دخان هذا النوع الرديء من السجائر بعيدا ينظر امامه في اللاشئ يحدق بها كأنها شاشه عرض تعرض فيلم يستدعي هذا التركيز البادي عليه ها هو يريد النهوض وهم بالوقوف لكنه ثبت مكانه للحظه لم يقدر علي امتلاك توازنه وقد سيطر عليه تاثير الكحول فترك نفسه للسقوط بارادته علي بقايا الاريكه المحطمه التي اتخذ وثيرتها القطنيه ووضعها في هذا الركن ارضا كمقعد عربي سقط عليه دون اي مقاومه منه وارتسمت علي شفاته ابتسامه لا يعرف مغزاها الاه جدب اليه الطاوله الصغيره التي امامه وتناول علبه الدخان واخرج منها لفافه من الدخان قام بفراغها وهم بالبحث عن قطعه الحشيش ليلف بها اخري نظر اسفل الطاوله بحثا عنها فوجدها ولكن وجد شيئا اخر ..... عنكبوت صغير في احد اركان الطاوله اعلي احد ارجلها نسي لدقيقه تاثير المخدر والكحول وهم ناحيه فرده من حذائه لابادته فهو يخاف من الزواحف خوف بعضنا من...

الوجود فكره تدبرها جيدا تجد معناها انفض غبار الزمن من عليها تجد بريقها لا تغمض عيناك قد يكون النور ساطع لا تهاب النور فهو ليس بحارق  كالشمس انه نور الحق ساطع الحق تمثال شامخ في منتصف الميدان قابع ينظر بلا تعليق يري ظلما ..فسادا لايليق يري جميع العيوب فهو اعلي من الجميع ناقم علي القمع ثائر ما زال قابع ينتظر من يري من يتدبر ليترك صهوه الحجري تاركه لثائر جديد لقد عاش صامدا علي صهوه عشرات السنين ينتظر جيلا جديد يحمل الرايه ويكون للاجيال ايه في الحريه قالثوره فكره والفكره وجود ترددها الاجيال في صمود فا انفضوا عنكم غبار الاحتلال الجديد فانا ذاهب الي الميدان وحيد

مع انك جوه قلبي ساكنه... بجلابيه سوده يا سمره بضفاير.. ايوه مهاجر.. ورحمه اللي ماتوا فداكي ... في الحروب حاملين رايتك فوق .. لجل ابنه يمشي ببلده متفاخر .. انا مهاجر .. اسمك في قلبي مكتوب بنور محفور... وخوفي عليكي يا سمره يهد الف سور... لكن مسافر ..علشان انا لوحدي مينفعش اثور...ا نا مهاجر .. ياروح النيل ..يا ريحه عضم شوي القناديل .. يالون شمسك بلون قمحك ..يغني مواويل.. انا مهاجر .. علشان محكومه من فاجر .. ميعرفش الحق ..ملوش في الصدق.. حبسك وعالي سور سجنك ... واهلك ماقلوش لا .. انا مهاجر ... علشان مبقاش شريك يأسك ... ابكي علي حزنك .. علي ابنك المقتول .. بأيد معلوم ...وامه تبكي عليه وتنوح... وابوه حزين مهموم .. وانا ساكت ..وانا مقهور ... يا سمره مين عليه الدور ... ومين يكره هتبكي عليه ... انامهاجر .. علشان محكومه من فاجر.. انا مهاجر انا مهاجر الجمعه 11\6\2010

لم امتلك دموعي حينما رأيت صور خالد بعد التعذيب ووجعت اكثر حينما رأيت صوره قبل التعذيب شاب يبلغ 28 سنه مفعم بالحيويه والطاقه والشباب مبتسم للحياه القادمه ... لم يكن يعرف ان نهايته ستكون علي يد جلاد من جلادين وزاره الداخليه اتباع السجان حبيب العادلي وزير الداخليه التي من المفروض انها تحمي الشعب وتساعد علي نشر الامن والامان تحولت هذه الوزاره في عهد مبارك الي وزاره التعذيب والترهيب ولا يمر شهر بلا ضحيه او اكثر لوزاره الداخليه معتقل او قتيل او مصاب بعاهات من التعذيب داخل الاقسام.... خالد مات علشان كرامته مسمحتلهوش انه يتفتش ورفض ده وده طبعا اللي استغربه كلاب العادلي ان ما زال من المصرين من عنده كرامه بعد محو كرامته المصرين ضربوه سحلوه قطعوه من الضرب ليه قال علشان قال لا ... خالد مش تاجر مخدرات ولا ارهابي علشان يطبق عليه قانون الطوأرئ المعدل من شهر مضي ومر مرور الكرام بموافقه اغلب نواب مجلس الشعب كل تهمته انه قال لا .. طب لا ياعادلي والف لا ... لا يامبارك والف لا مش هنسكت عن حقنا هنتكلم وهنقول لا ..مش هنوافق علي التوريث حتي لوراح الف خالد وخالد عمرنا ماهننساه ومش هنسيب...

الاهي يعني ايه ازدواج في الشخصيه؟ انا اعرف تراطيش عنا يعني!!؟ بيتهيألي ان الواحد يبقي بشخصيتين ممكن تبقي واحده طيبه والتانيه شريره او يبقي مؤمن بأفكار ومبادئ بداخله ولكن يظهر اخري لايحترمها او يعمل بها ولكنها يظهرها نظير نفاق او علشان الناس تشوفه بيها فتقول عليه لا دا راجل ميه ميه ...!! الكلمه دي خلتني افكر فيها اوي وادور جوه نفسي عليها لغايه ما لقيتها ووجدت نفسي فعلا مزدوج الشجصيه بلا مجامله اوكدب ولكن ببجاحه كمان.. القصه ترجع اني تركت سوهاج من اكتر من سنتين ونص او تلاته لغرض الدراسه في اسكندريه وهناك اتصدمت لاني وجدت نفسي في منتهي الحريه لوحدي من بعد ما كنت عايش في بلد منغلقه علي نفسها وصغيره اغلب اهلها يعرف بعضهم البعض الي مكان لا احد يعرفني فيه مكان يتواجد به كل شئ الخير والشر الكويس والوحش مكان مفتوح علي كل شئ اذهب الكليه صباحا وليلا اما مع اصدقائي في الشارع او في شارع النبي دنيال انا وعماد صديقي رحمه الله بنشتري كتب قديمه وبنص التمن نتسكع علي اقدامنا في شوارع المنشيه والرمل ونجلس علي مقهي التجاريه نشرب القهوه ونقراء الكتب ولامانع ايضا من ان نضرب علبتين بيره واحنا بنل...

في قلبي يا فلسطين ورب الاقصي ما ناسيين دم ولادك في غزه والضفه وجنين والنكبه نكبتنا .والاحتلال فرقكم خلاكم دولتين وزعماء خايبين متعاملين في حضن العدو نايمين لكن ولاد العرب بيكي حاسيين صامتين ...حزنانين كا عضم خشب تحت الرماد مستكين مستني نسمه هوا تيجي من قدسك تحرك الساكت والخايف والصابرين يوم مانثور علي المتصهينين اللي حبسونا وبحكم العدو فينا متحكمين طريق حريتك من مصر يا فلسطين بايد ولادك المصرين فصبرا فصبرا يا فلسطين

عليها ضحكه وابتسامه سبحان من صور سنها وعيون غرال تسحر قلوب باشاره واحده منها وشعرها وفرعها رقيق اخاف يطير مع النسيم رحت ماسك خصرها ياخوفي مني منا عرفني بدوب وقلبي بيشتقلها يارب ابعدني عنها يارب ابعدني عنها

تسوي ايه الدنيا ديا جمب ابتسامه طفله شقيه تغمزلها تضحكلك تكشرلها تشغلك تجي تشد ايدك وتقولك تجي الاعبك ضحكت انا ليها ضحكت حزن وقلت لها لو رجعت عيل تاني هقوم الاعبك طبعت بوسه علي خدي وجريت وفي حضن امها مني استخبت بصيت انا للبحر قمت سرحت حسيت للحظه اني ممكن ابقي اب

عامل وفلاح والايد من الشقي عرقانه... والجبين من العرق لامع... والعين حمرا شقيانه... شقاك صباح ومسي... بيروح لحكومه جبانه... باعت اراضي القمح... وبالخصخصه هريانا... اصرخ يابن الورديه وقول... يعيش اخويا اللي ع الزراعيه... ابو لون قمحي... زي لون الشمس ساعت الصبحيه.. ابو عزقه فاس قويه... ايدك في ايده ترجعوا اللي باعوه الحراميه... ايدك في ايده ترجع مصر عروسه متحنيه.. اصرخ يا عامل مصر... ..وقولها حره قويه

صحيت من النوم علي حلم لكن عجيب قال ايه صحينا في يوم ملقناش الكلب ولا الديب هربوا وسابو البلد تضرب تخبط تخبيط هرب وساب البلد كأنه غريب حتي اللي كان اسد صبح اليوم ده وليد جري اترمي في حضن البلد كأنه اتولد من جديد نسي اللي عمله في البلد نسي السرطان واحتكار الحديد والقطر لما اتقلب البقر لبس الحديد ولا فضيحه الغاز مع تل ابيب وجدار فلاذي بينا وبين غزه هو ده الفكر الجديد طب يا تري عز هو اللي ورد الحديد هستني في يوم قريب الحلم يبقي اكيد واشوفك يا مصر لابسه فستان جديد في جديد

الفساد في مصر اشكال والوان ممكن انت نفسك تبقي فاسد وانت مش حاسس او عامل اهبل ومطنش لكن هل دده عيب العامه ام عيب السلطه هل سياسه افساد الشعب المصري التي اتبعها النظام من وقت عصر الانتفتاح وقت الرئيس المؤمن السادات واجهز بها مبارك علي الباقيه الباقيه من القيم والعادات المصريه . كثير الان لايستحي انه فاسد او يري فساد امام عينه ولا يحاول مجرد محاوله لكشفه بل الان يحاولون ركب الموجه واخد جزء من الكحكه قبل انتهائها او كما يقول المثل البقره لما تقع سكاكنها بتكتر كل ياخد نصيبه ويجري وللاسف مصر في طريقها للوقوع تجت ايد نظام فاسد وسياسات طائشه يتخزها الحزب الوطني وامانه سياساته بقياده جمال مبارك من تخصيص وبيع في الاراضي المصريه بابخس الاثمان لرجال الاعمال والموالون للحزب الوطني . واصبحت مصر ضيعه او عزبه يتقاسمها من في بلاط النظام اما الشعب فتفانا الحزب في الهائه بأفقاره تلك السياسه التي تجعل العامه مشغلون في دوامه الاكل عيش يعيشون بالقليل من الجنيهات شهريا منهم من صمد ويحاول جاهدا للصمود ومهم من قبل الرشي وتفتيح المخ . ان هاذا ما يريده النظام الشعب فقير ليس عنده وقت في التفكير في حقوقه ويحس انه ...

ماذا يحدث لو لم يحدث تغيير سؤال طب علي دماغي وانا بشرب القهوه في البلكونه والسؤال الغريب اللي شغال اللي عمال يتنطط في دماغي ده بعد ما سمعت ان طويل العمر يطول عمره وينصره علي مين يعاديه صاااحي وبيلعب زي القراميط في الترعه اللي عندينا والسؤال من غير تطويل او رخامه مني ايه اللي هيحصل يعني لو محصلش تغير او انتقال للسلطه باي طريقه سلميه ثوريه انقلابيه؟؟ من العجائب في التاريخ المصري انه كثير الاعاده يعني بيعيد نفسه اكتر من مره اقربهم الينا الدكتور البرادعي وتوكيلاته وسعد زغلول وتوكيلاته ايضا كذالك ولكن ابعد انتفاضه اهل المحله البواسل قبل ان يقصقص ربشهما النظام والامن وانتفاضه يناير في عهد الرئيس السادات التي اطلق عليها انتفاضه الحراميه وايضا اعتصامات العمال التي اصبح لم يمر يوم الا واسمع عن اعتصام لهم حاجه غريبه وجدت بعد التمحيص التشابه الشديد بين شخص الرئيس الحالي والراحل نفس الشرعيه فالسادات كانت شرعيته انه كان من اضلاع الثوره ونائب لعبد الناصر اما حسني فشرعيه بطل الضربه الجويه وانه كان نائب للسادات اها نفس حاله الغليان والحراك في الشارع في الجامعات في كل مكانفكان ايام السادات ال...

الحزب الظالم اللادمقراطي ... عاوز المصري ديما يطاطي... علشان ما الريح تقدر تعدي... والتوريث يكون محتوم... والوريث يركب علينا ... وكمان يتحكم فينا... والفساد يفضل وسطينا... علشان يضمن الكرسي البيه ... جوعوا الشعب سنين... وفي المجاري سبونا عايمين ... والانبوبه وصلت اربعين..... ولصراخ الغلابه مبقوش سامعين... والميه صفره ملوثه... والفاكهه والخضار صبحت مسرطنه... ايه باقي علشان نفضل ساكتين... خايفين... من ايه خايفين... من اللي باعوا البلد بالرخيص... واللي شتتونا وفرقونا من سنين... وبقينا علي بعضنا مش خايفين... مسيحي مسلم شيعي بهائي ... فرقونا خلونا ملل وطوائف ... وبتفرجوا علينا بيضحكوا شمتانين وعجبي

ارجوك وانت في اروقه هذ المكان ارفع راسك.... لا تحنها.... وان اتت ريح تقتلع الرؤس من حولك.... لا تحنها.... وسر مختال فخور لاقتناصك حريتك .... فلا تحنها..... وان اتاك سواط جلادك فرسم ابتسامتك.... فهو يهاب فكرتك.... وان سمعت صوته الاجش ليرعبك فانصب هامتك .... لا تحنها .... فهو يخاف نظرتك.... وكن فخور بمصريتك ... لا تحنها... وان كلابهم عرفت يداهم طريق وجنتك والمتك.... فاعلم ان مصر تقبل جبينتك.... لا تحنها.... فقد ارعبتهم ثورتك.... وطلبك لحريتك .... لا تحنها .. فالله معك يحفظك ... لا تحنها يا اخي جبهنك فكلنا نساندك لا تحنها.... لاتحنها

ياقلم بتترجف في ايدي ليه انت حاسس برجفه قيلبي ولا ايه قلبي مرجوف مش خايف ودمع عيني اتحجب مش زارف ياقلم اكتب متخفشي اكتب حزن وعبي المراكب بس حاسب من كتر الحموله تغرق تغرق بحلمي شايف المركب في عرض البحر بتتأرجح والقبطان من السكر بيتطوح دي مركب وحدتنا العربيه والدم العربي بقي مستباح في ايد النازي الدباح والحلم بتاعي بينزاح قدام عنيا بيتباع الدبح علي الملا ينزاع وكل وقت ينعاد والحكام في سكات والمركب صابها العطب والقبطان سكر من العنب يا مركب بقبطان سكران مش داري وملاحين مختلفين علي مين يقود المسيره من تاني لكن في يوم قبطان شريف من ضهرك يقوم يثور ينادي يقول العطب نخر خسبك لجل ما الكل يقوم يصونك من شرخ صابك وترجعي عروسه الطير يرفرف حوليكي وولادي يفرحوا بيكي وتكوني فخر لكل المواني

بسم الشعب اللي صحي فقام فثار.. شباب ايران اللي شبابنا منهم غار .. علشان عشتنا بقسيت مرار... ودخنا وصبنا الدوار... من نظام غبي حمار... لامتي الانتظار... مفيش خيار... لابد من التغير لاجل ميجي النهار... علشان بلدنا ترجع عمار.. سنين من الدمار.. المصنع وباع الدار... وعلي حدودنا مع اخوتنا بني جدار... وبالطوارئ من سنين حاكمنا... ولاكأن مصر بلد من الاحرار... وزاد الفساد فينا... والامراض في انتشار... وبميه صرف بقينا ناكل يتسقي الخضار... ومجالس شعبيه بايظه بالحصانه مدارين... طب مين يعبر عننا احنا المواطنين ... نشتري نائب تايواني ولا واحد من الصين... مررت العيشه علينا وخليت عشتنا طين ... ثوروا ...وهبوا ...واتوحدوا... الصبر خلاص خلص... ولا ينفع انتظار. والحلق فيه مرار

هل اصبح الشعب روبابكيا اتذكر جيدا كتاب التاريخ الذي درسته في الثانوي واتذكر ايضا قصص كفاح التي كانت اشعر بقشعريره تناب جسدي منها عن كفاح الشعب المصري من الفرعوني الي العصر الحديث انتشي فرحا وشجن من هذه القصص وارجع حزين متشائم مكفهر الوجه حينما اري ما وصلنا اليه الان من ظلم وفساد وقهر وضحايا يتساقطون في كل مكان من عباره الي قطار الصعيد والعياط الي صخره الدويقه غير الفساد وبيع القطاع العام وطرد العمال من مصانعها وتاخير مرتباتها وحكم بقانون طوارئ من عام 1981الي الان واعتقالات بالجمله وتحويل مدنيين ومدونين الي المحاكم العسكريه مثل محاكم التفتيش التي كانت تفتش في ضمائر الناس انظر الي كل هذا مستغرب ! هل ذا هو الشعب المصري ؟ بعد فتره لا تتجاوز الدقيقه اتت الي عقلي الاجابه نعم هو الشعب المصري ....ولكن بعد التغيب والتعتيم علي عقله ....نعم هو الشعب المصري الذي ساند عرابي في حربه علي الانجليز وهو الشعب المصري ايضا الذي استقبل سعد زغلول لدي عودته من المنفي ووكله وجمع له التوكيلات من الريف قبل الحضر والتفوا سويا بدون فروق مابين مسلم او مسيحي واو رجل او امرأه في ثوره 1919منادين بالوح...